Sleuteloverdracht

Sleuteloverdracht op carnavalszondag in Bunde. Traditiegetrouw trekken op carnavalszondag de carnavalsverenigingen van Bunde (t.w. CV De Havermennekes, SJC De Haverzekskes, Het Eregilde van de Zakoploaters en Het Auwd Prinse Garde) en sympathisanten in een stoet achter Harmonie St. Agnes aan om de Hooglustigheden thuis op te halen. Aangezien de Hooglustigheden thuis worden opgehaald, zal de…

Lees meer

C.V De Havermennekes Bung organiseert seniorenmiddag

C.V “De Havermennekes Bung” organiseert een seniorenmiddag. Traditiegetrouw organiseert CV “De Havermennekes Bung” een grandioze middag voor senioren vanaf 50 jaar en ouder. Het wordt een evenement met gezellige muziek, amusement en spectaculaire optredens. Deze carnavalsmiddag voor senioren zal plaatsvinden in café-zaal “De Vos “op zaterdag 23 januari 2016. De deuren gaan open om 12.00…

Lees meer

De Prins van de Havermennekes 2016

HMPP2016_web

Op zondig 20 november 2015 vong op ‘n gezellig St. Agnesplein in Bung traditiegetrouw de prizzentasie van de nuuje Prins van Carnevalsvereiniging “de Havermennekes” aan de Bungse bevolking plaats. Tot grwoàtte verbazing van de aanwezige zal Prins Stan de 1e euver ’t riek van de Havermennekes goon regere. Heer heit gein prinses mhé eventuele kanditate kinne zich bie de veurzitter melde. Sjpas en plezeer, kwatsj en flauwekul zalle hwag in ut vaandel sjtoon.
Ozze prins in gebore op 22 september 1970 in zien auwersj hoes aan de Lindelaan nummer 11 (1×11) in Bung en dus ‘nne echte Bungenaer! Sjus wie alle kinger in zien sjtroat ging heer nao de peutersjwal aan de Pesjtwarslaan en later nao de kleutersjwal en basis-sjwal Sint Franciscus. De koos haom vreuger es keend déks op sjtraot vinge. Lekker sjpele, voetballe of fietse en sjaatse op de rolsjaatsbaan en in de winter sjleije van de zandberg tot gans onderaan d´n duuker. Zien voetbal carriere is heer begos bie de “F” , op ut voetbal terrein aan de Pasjtwarslaan en later haet heer de tranfer gemaak nao de velde aan de Klwasterweeg. Mhér naodat zien inkelben veur de tjwédde kjér waore aafgesjaord moos heer helaas sjtoppe. Wier haet heer in ‘t vreugere gemeinsjapshoes aan de Vleegesjtraot tegeneuver de Vos van Judo-icoon menjér Tummersj nog judoles gehad. Auch is heer braaf tot aan zien twintigste (joa geer lees ut good, 20ste ) mesdeenaer in Bung gewaes. Aan de ziej van pestwar Goumans (bie de vastelaovendvierder beter bekint es Thesaurier van de haverzak en auwd zakoplaoter) haet heer tiedens hjél ghét kérrikdeenste, broelofte en begréfenisse in de kérrik de mis gedeend.

Heer zaot vreuger auch nog bie de drumband Sint Agnes wha heer ummer met vaol plezeer in de zaal bie de Vos ging repetere. Later ging heer auch bie de hermenie trommele. ’T Hwagtepunt veur haom wao in 1989 de hjérste pries op ut WMC in Kerkaoj. En zwha wie ’t gezegde zaet is heer op zien wagtepunt gesjtop. Van de ljéggersjwal in Bung ging heer nao de middelbare in Meersje en nog later nao de MTS in Mesjtreech. Umtot heer ut zwa leuk voong op de sjwal moch heer op eedere sjwal meistal nog ein jaor extra blieve!
Nao zien sjwal carriere moos heer van de keuningin nao de militaire. Umtot heer bie de herremenie in Bung zwaveul geljérd haw, maog heer trommelend bie ‘t fanfare korps van de genie zien deensplich vervulle. Euverdaag trommele en ´s aoves op sjtap goon. Geer begriep, dat waor veur haom éch aafzeen méhr heer haet in eeder geval zien vaderlandse plich gedoon.
Vastelaovend haet heer van thoes oet met gekrege. Zien mam naom haom es kleine poet ‘n paar weke veur de vastelaovend al eeder jaor met nao de grwatte kinger optoch in Zitterd. De grwatte optoch in Bung woort gein jaor euvergesjlage. Met de drumband en de herremenie haet heer auch hjél ghét jaore met in d´n optoch geloupe. Vastelaovend viere deeg heer es keend in ut gemeinsjapshoes de Expo. Dao wha noe de greunte en de eerdappele sjtoon, haet heer vreuger gehost en gesjproonge of met in de kusjeskring geloupe. Ziene pap en mam sjtoonge dan in de Expo, vaor in de kaffee , en es de bonne op waore kreeg heer dao altied weer nuuje. Toen veur limmenaat en chips, en noe allein noch veur chips. Wie heer ghét auwer waor ging heer es puber noa Mesjtreech. Mhér veer weite allemaol: ut béste oet Mesjtreech….is de trein noa Bung. ‘N paar jaor trök haet heer nog ins metgeloupe es (hell´s) Ingel van Bung, tot zien grwatte verbazing won heer de hjérste pries.

Wie ozze prins ‘n jaor of 25 waor, woort heer gevraog veur bie Sjots en Sjeif in Meersje te komme. Bie dat clubke haet heer hjél veul vastelaoves sjpass beleifd. Heer maog nog eeder jaor de hjérre zitting van Meersje presentere en dao is heer jel grwatsjj op. Sinds ‘n paar jaor maak heer same met 3 joonges es “Entouraasj” eeder jaor ‘n vastelaoves leedsje. De Finale van ut LVK hobbe ze noch nwats gehaold. De vraogs dich aaf wie ’t kin want zie zin tot 2019 volgebook. Meh good, ‘t geit veural um de sjpass en ut plezeer.
Ozze whaglostigheid kump oet ‘n prinselikke femilie. Zwha waor nicheke Sanne jeugdprinses bie de Haverzékskes, ziene noonk prins van Vaols, zien nicheke Isa lid van de raod van ellef, ziene sjwanbroor kaffeeprins bie Regina en zien mam zakoplaoster bie de zakoploaters. En es klap op de vuurpiel waor ziene zoon Zef Prins van de Geulmennekes. Met zwa’n prinselikheden in de femilie zal ziene pap zaliger zich dao bove (in d´n hemel) de Keuning te riek veule. Wie veer ozze whaglostigheid benaderde um prins te weere, hoofde heer neet lang nao te deengke. Sjtiekum waor ‘t ziene druim um eine kjér die “patsj met veire” op te maoge zette.

Es gebore en getoge Bungenear haet heer zien rezidensie aan de Iepenlaan op nummerke 55 (5×11). Heer haet drie sjatte van kinger, zien tjwé prinsésse Louis en Pip en ziene prins Zef. In ’t dageliks leeve wérrik heer met hjél veul plezeer bie Sapa Benelux in Raeren in Belsj es accountmanager. Dao make en verkoupe ze aluminium profile van fietseraajer tot garaasjpoorte en van automotive tot serres . De kins ut zwa gek neet bedeenke of bie Sapa make ze ut van aluminium.

CV “de Havermennekes “ is d’r van euvertuig mèt Prins Stan de 1e ‘n gezellig en onvergetelik Carnevalssezoen 2015 – 2016 tegemoet te goon. Veer hope dat ouch dit jaor ’t Bungse vollek door ózze Prins zal weure geïnspireerd um same mèt ós op ‘n enthouzjaste meneer aan dit volksfjés deil te numme,

Names CV “de Havermennekes”

Bert Ummels
Veurzitter

CV de Havermennekes opent carnavalsseizoen 2015-2016

C.V. “De Havermennekes Bung” opent carnavalsseizoen 2015-2016 Op zondag 22 november 2015 zal om 14.11 uur op het St. Agnesplein afscheid genomen worden van het huidige prinsenpaar, Prins Toon I en Prinses Clemence. Daarna zal Toon toetreden tot de Havermennekes en zal hij als oud prins worden opgenomen in de Auwd Prinse Garde. Clemence zal…

Lees meer